Ísland um helgina - Fram á Þjóðhátíð

Verslunarmannahelgin er framundan og það þýðir aðeins eitt. Þjóðhátíðarleikurinn.

ÍBV fær Fram í heimsókn í Þjóðhátíðarleiknum á morgun. Það er alltaf stuð og stemning á þessum leik. ÍBV getur komist upp í efri hlutann með sigri og Fram getur komist upp fyrir KR í 2. sæti.

Þá eru Evrópulið að spila á sunnudag og mánudag, frídag verslunarmanna. Víkingur heimsækir Thun til Sviss á fimmtudaginn og því var leikur liðsins gegn ÍA færður til sunnudags.

Valur vann frábæran sigur á Zrinjski Mostar og fær Nordsjælland í heimsókn á fimmtudaginn. Liðið mætir Stjörnunni á mánudaginn. Þá mætast Vestri og Grótta í Lengjudeildinni.