Badu: Við gerðum okkur of erfitt fyrir í fyrri leiknum

„Það er svekkjandi að detta úr leik en ég held að við gerðum okkur of erfitt fyrir í fyrri leiknum í Riga". Sagði Daniel Badu eftir leik.

Hvernig fannst þér frammistaða liðsins í dag?

,,Frammistaðan var betri en í síðasta leik, við hefðum getað gert betur sóknarlega, en grunnvinnan var góð. Það sem vantaði upp á sóknarlega var að skipta boltanum betur á milli kantana og nýta plássið þar. Stundum vorum við með boltann of lengi og fundum ekki svæðið sem við viljum finna í okkar uppspili".

Evrópuævintýrið er á enda ef tvö einvígi gegn Qarabag og RFS, en hvað er hægt að taka gott úr þessum leikjum?

„Það er mikið sem er hægt að taka, við fengum að spila á því stigi sem okkur langar að vera á, við erum ekki tilbúnir í það núna en ég, leikmenn og stjórnin erum búinn að læra mikið. Vonandi kemur tækifærið aftur og þegar það kemur viljum við vera tilbúnir".

Næsti leikur Vestra er núna strax á mánudaginn næsta gegn Gróttu, Vestri hafa átt erfitt uppdráttar í leikjum sínum eftir Evrópuleikjunum. Hvað viltu sjá hjá liðinu í leiknum gegn Gróttu?

„Leikurinn á mánudaginn er mjög mikilvægur, það er stutt á milli en það er engin afsökun. Við þurfum að mæta til leiks og við megum ekki hugsa um síðustu leiki og það sem við gerðum í þeim. Við þurfum einfaldlega að mæta til leiks og vera tilbúnir".

Viðtalið í heild sinni má sjá í spilaranum fyrir ofan.