Sóknarmaðurinn Keita Balde hefur skrifað undir samning við Cagliari í efstu deild á Ítalíu.
Þetta var staðfest í kvöld en Balde skrifar undir eins árs langan lánssamning við félagið.
Balde var á sínum tíma gríðarlega eftirsóttur leikmaður og vakti athygli með Lazio frá 2013 til 2017.
Þaðan fór Senegalinn til Monaco í Frakklandi en hefur aðeins spilað 44 deildarleiki á fjórum árum.
Balde hefur tvisvar verið lánaður áður til Inter Milan og svo síðast til Sampdoria.
Athugasemdir
