Lookman er 23 ára gamall og uppalinn í Charlton en fór til Everton árið 2017.

Hann var lánaður til Leipzig árið 2018 og keyptur aðeins ári síðar en þetta verður önnur leiktíðin í röð þar sem hann spilar í ensku úrvalsdeildinni á láni.

Lookman var á láni hjá Fulham á síðustu leiktíð þar sem hann skoraði fjögur mörk í 35 leikjum.

Hann er nú aftur mættur í ensku úrvalsdeildina og að þessu sinni til Leicester en hann verður á láni út leiktíðina.