Rúben Amorim.
Rúben Amorim, verðandi stjóri Manchester United, segir að málin ættu að vera ljós eftir deildarleik Sporting Lissabon gegn Estrela annað kvöld.
Amorim sat fyrir svörum á fréttamannafundi í Portúgal í dag og var að sjálfsögðu spurður út í stöðuna varðandi Manchester United.
Amorim sat fyrir svörum á fréttamannafundi í Portúgal í dag og var að sjálfsögðu spurður út í stöðuna varðandi Manchester United.
„Það eru viðræður í gangi milli félaganna. Þetta er ekki einfalt, jafnvel ekki þrátt fyrir riftunarákvæðið. Menn þurfa að ræða málin," segir Amorim.
„Málin ættu að verða skýr eftir leikinn á föstudaginn. Þá verður þetta komið í ljós. Ég lofa að tjá mig meira þá."
Ruud van Nistelrooy er bráðabirgðastjóri Manchester United og stýrði liðinu til sigurs gegn Leicester í deildabikarnum í gær. Hann stýrir United þar til United hefur fengið Amorim lausan.
Guardian segir Amorim hafa samþykkt samning við enska stórliðið til 2027. Það er þó talið að hann muni stýra Sporting í þremur næstu leikjum og taka við United í landsleikjaglugganum í nóvember.
Athugasemdir
