Fótbolti.net veitti heiðursverðlaun sín í fimmta sinn á í kvöld á Hard Rock. Heiðursverðaunin voru veitt á sama tíma og lokahóf 1. og 2. deildar karla og kvenna fór fram.
Heiðursverðlaun Fótbolta.net voru í fyrsta skipti afhent árið 2014 en þar er fólk verðlaunað fyrir framlag þeirra til íslenska boltans.
Heiðursverðlaun Fótbolta.net voru í fyrsta skipti afhent árið 2014 en þar er fólk verðlaunað fyrir framlag þeirra til íslenska boltans.
Heimir Ásgeirsson, eigandi harðfiskverkunarinnar Eyjabita, á Grenivík fær verðlaunin í ár. Eyjabiti hefur verið aðalstyrktaraðili Draumaliðsdeildarinnar á Fótbolta.net undanfarin tvö ár.
Þegar öll sund virtust lokuð vorið 2017 kom Heimir inn og bjargaði Draumaliðsdeildinni.
Heimir er einnig öflugur í starfi Magna á Grenivík en Magnamenn hafa hrifið marga með því að komast upp í Inkasso-deildina þar sem þeir náðu að halda sæti sínu á ævintýralegan hátt um síðustu helgi.
Á Grenivík hafa Magnamenn búið til eitt skemmtilegasta umhverfi í kringum fótboltalið á Íslandi en búið er að reisa glæsilega stúku, vefútsendingar eru frá leikjum og verið er að byggja nýja búningsaðstöðu.
Sjá einnig:
Gaupi fékk heiðursverðlaunin 2017
Ómar Smárason fékk heiðursverðlaunin 2016
Heimir Hallgrímsson fékk heiðursverðlaunin 2015
Viðar M. Þorsteinsson fékk heiðursverðlaunin 2014
Athugasemdir