Guðmundur Þórarinsson.
,,Ég sat í sófanum heima í Noregi rétt kominn heim úr ferðalaginu frá Frakklandi," sagði Guðmundur Þórarinsson leikmaður U21 árs landsliðsins aðspurður hvar hann hafi verið þegar ljóst var að liðið er á leið í umspil um sæti á EM næsta sumar.
Úrslit kvöldsins gerðu það að verkum að Ísland er eitt af fjórum liðum í 2. sæti sem fara áfram ásamt sigurliðunum í riðlunum tíu.
Úrslit kvöldsins gerðu það að verkum að Ísland er eitt af fjórum liðum í 2. sæti sem fara áfram ásamt sigurliðunum í riðlunum tíu.
,,Árangurinn hefur verið frábær og njótum þess núna í smástund að hafa komist áfram. Síðan er það bara að undirbúa sig vel fyrir umspilsleikina," sagði Guðmundur og bætir við að hann sé bjartsýnn á að íslenska liðið geti farið alla leið áfram í lokakeppnina í Tékklandi.
,,Það er endalaust sjálfstraust og samstaða í liðinu svo að ég er ekki í vafa um að við getum það."
Dregið verður í umspilið á föstudag og leikirnir fara síðan fram 8 og 14. október. Guðmundur segist ekki eiga óskamótherja þar.
Í raun ekki. Við fengum gríðarlega mikilvæga reynslu á því að spila við Frakkana sem er sennilega eitt af þremur bestu liðunum í þessari keppni. Það eru bara góð lið sem komast áfram þannig að það verður verðugt verkefni sama hvaða lið við drögumst á móti."
Athugasemdir
