Jose Mourinho var allt annað en sáttur og heimtaði spjald á Flores við fjórða dómarann. Leikmenn Chelsea umkringdu Dowd sem ákvað að lyfta spjaldinu eftir smá umhugsun og Swansea varð manni færri eftir sextán mínútur.

„Ég sagði við hann: Í mínum huga er þetta annað gult á hann. Þetta var stór ákvörðun að taka og ég tel að hann hafi tekið rétta ákvörðun. Það verður að hrósa honum fyrir það," segir Terry.

„Þegar þessi atvik eru skoðuð þá er klárlega rétt að gefa gult í bæði skiptin."

Þjálfari Swansea sagði það vekja upp spurningar þegar leikmenn geti fengið dómara til að skipta um skoðun. Dowd hafi klárlega ekki ætlað að gefa Flores seinna gula spjaldið.

Chelsea vann leikinn 1-0 og fékk þrjú gríðarlega mikilvæg stig í baráttunni um enska meistaratitilinn.