Roberto Martinez, landsliðsþjálfari Belga, fer fögrum orðum um fyrirliða landsliðsins síns, Eden Hazard.
Hazard leikur með Chelsea í ensku úrvalsdeildinni þar sem hann lenti í 5. sæti með liðinu í deildinni auk þess að vinna enska bikarinn.
„Þú getur aldrei borið leikmenn saman en í einn á einn stöðu þá er hann einn sá besti í heiminum."
„Hann endaði síðasta tímabil frábærlega. Hann vann bikar og undanúrslitin og úrslitin á Wembley undirbjuggu hann fullkomlega. Í síðustu tveimur vináttulandsleikjum okkar hefur hann litið vel út," segir spænski þjálfarinn.
„Hann er á í góðu sambandi við leikmennina í kringum hann og það hjálpar honum að hafa áhrif á það sem er í gangi. Hann virkar ferskur og andlega tilbúinn."
Belgar mæta Panama í fyrsta leik sínum á heimsmeistaramótinu á morgun en það verður fyrsti leikur Panama á heimsmeistaramóti í sögunni.
Athugasemdir