Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögnum skilaði 24400 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Everton er að fá framkvæmdastjóra en Angus Kinnear mun hefja störf hjá félaginu 1. júní. Kinnear er 47 ára og kemur frá Leeds þar sem hann hefur starfað frá árinu 2017. Liðið vann sér sæti í úrvalsdeildinni þremur árum síðar og hann var með yfirumsjón yfir eignarhaldsskiptum 49ers Enterprises árið 2023.
Þórdís Hrönn Sigfúsdóttir er gengin í raðir Víkings og skrifar undir tveggja ára samning. Hún kemur til félagsins frá Val þar sem hún hefur verið síðustu ár. Fótbolti.net fjallaði um það í síðasta mánuði að Þórdísi væri frjálst að fara frá Val og finna sér annað félag. Þórdís er fjórði leikmaðurinn sem Víkingur hefur krækt í þennan veturinn.
KFS er búið að bæta við sig gífurlega öflugum liðsstyrk fyrir komandi átök í 4. deildinni.
Ísak Daði Ívarsson hefur fengið félagaskipti í ÍR en hann kemur á frjálsri sölu frá ÍR eftir að hann náði samkomulagi um riftun á samningi í Víkinni í vetur. Ísak Daði er kantmaður sem verður 21 árs í júlí. Hann á að baki tíu leik í A-deild og 21 leik í B-deild. Á sínum tíma lék hann tvo leiki með U19 landsliðinu. Hann á tvo leiki með Víkingi í Mjólkurbikarnum, tíu leiki með Keflavík á láni 2023 og svo 12 leiki með Þrótti Reykjavík og níu leiki með Gróttu á láni á síðasta tímabili.
Halldór Páll Geirsson hefur fengið félagaskipti frá KFS í ÍBV. Markmaðurinn lék síðast með ÍBV tímabilið 2022. Hann á að baki 51 leik í efstu deild og alls 168 leiki á ferlinum, langflesta fyrir ÍBV. Hann var aðalmarkmaður liðsins 2017-2021. Halldór Páll, sem er þrítugur, hefur æft með ÍBV síðustu mánuði og er nú einn af þremur markmönnum í leikmannahópi ÍBV. Fyrir voru Jón Kristinn Elíasson og Hjörvar Daði Arnarsson.
Berglind Þrastardóttir er gengin í raðir Hauka frá FH og gerir tveggja ára samning við uppeldisfélagið. Hún hélt frá Haukum í FH í glugganum 2022 og hjálpaði liðinu að komast upp í Bestu deildina. Hún spilaði svo tíu leiki með FH í Bestu deildinni 2023 og átta leiki 2024. Hún er fædd árið 2004 og er fyrrum unglingalandsliðskona; á að baki þrjá leiki með U15 og fjóra með U19.
KF er að undirbúa sig fyrir komandi átök í 3. deild karla eftir að hafa fallið afar naumlega úr 2. deildinni í fyrra.
Hvíti riddarinn er búinn að kynna tvo nýja leikmenn til leiks, þá Axel Ými Jóhannsson og Júlíus Valdimar Guðjónsson.
Skagamaðurinn Ingi Þór Sigurðsson er farinn frá ÍA á láni í Grindavík. Fótbolti.net fjallaði um það í síðasta mánuði að Ingi vildi leita annað og er nú búinn að finna sér nýtt félag. Ingi er tvítugur, verður 21 árs í næsta mánuði, og hefur allan sinn feril spilað með ÍA. Hann hefur skorað sjö mörk og lagt upp fimm í 49 leikjum í efstu deild. Ingi, sem er yngri bróðir landsliðsmannsins Arnórs Sigurðssonar, lék á sínum tíma tvo leiki með U16. Miðjumaðurinn er samningsbundinn ÍA út tímabilið 2026.
Grótta er að undirbúa sig fyrir komandi átök í 2. deild. Í dag tilkynnti félagið að Caden McLagan væri genginn í raðir félagsins. McLagan er Bandaríkjamaður sem verður 23 ára í apríl. Hann er yngri bróðir Kyle sem spilar með Fram í Bestu deildinni.
Danski framherjinn Tobias Thomsen er búinn að skrifa undir samning við Breiðablik og mun spila með liðinu á komandi leiktíð. Fótbolti.net greindi frá yfirvofandi félagaskiptum Danans fyrr í dag. Íslendingar muna eflaust einhverjir eftir Thomsen en hann lék með KR og Val á árunum 2017-2020. Hann varð Íslandsmeistari með Val 2018 og Íslandsmeistari með KR árið 2019. Alls á Tobias 63 leiki í efstu deild Íslandsmótsins og 18 mörk.
Markvörðurinn kristján Hjörvar Sigurkarlsson hefur skrifað undir samning við ÍA út næstu leiktíð.
Markvöðurinn Klil Keshwar hefur samið aftur um að spila með ÍA næsta sumar en hún var lykilmaður í liðinu á síðustu leiktíð. Hún spilaði alla leiki liðsins þegar liðið hafnaði í 5. sæti Lengjudeildarinnar. Hún er frá Trínídad og Tóbagó og á landsleiki með þjóð sinni. Hún gekk til liðs við félagið úr bandaríska háskólaboltanum fyrir síðustu leiktíð.
Auðun Helgason hefur verið ráðin þjálfari Þróttar Vogum. Hann tekur við af Gunnari Má Guðmundssyni sem var ráðinn þjálfari Fjölnis fyrr í þessum mánuði.
Vitor Roque stoppaði stutt í Evrópu í bili að minnsta kosti en þessi tvítugi Brasilíumaður er genginn til liðs við Palmeiras í heimalandinu.
Völsungur tilkynnti í dag að Inigo Albizuri Arruti, eða einfaldlega Albi, væri búinn að skrifa undir nýjan samning við félagið og mun hann taka slaginn með liðinu í Lengjudeildinni í sumar. Albi er þrítugur miðvörður sem sýndi frábæra frammistöðu og mikla leiðtogahæfni á vellinum í fyrra. Hann var valinn í lið ársins í 2. deild hér á Fótbolti.net og hjálpaði Völsungi að komast upp í lengjudeildina. Í tilkynningu Völsungs stendur að hann ætli sér að spila enn betur í ár.
Víðir Þorvarðarson hefur skrifað undir samning við ÍBV og verður hann með liðinu í Bestu deildinni í sumar. Víðir er fæddur árið 1992 og á að baki 140 leiki í efstu deild og 22 mörk. Hann er Eyjamaður en hefur einnig leikið með Stjörnunni, Fylki og Þrótti á sínum ferli. Hann lék með ÍBV tímabilið 2020 en var svo með KFS til ársins 2024 þegar hann sneri aftur í ÍBV. Hann skoraði tvö mörk í 13 leikjum á síðasta tímabili þegar ÍBV vann sér sæti í Bestu deildinni.
Daði Berg Jónsson, ungur leikmaður Víkings, er samkvæmt heimildum Fótbolta.net á leið til Vestra. Verður hann lánaður þangað út komandi keppnistímabil. <b>Uppfært 11:03:</b> Félögin hafa staðfest tíðindin. Í tilkynningu Vestra er hann titlaður sem Súðvíkingur og hann boðinn velkominn 'heim'.
Hin 22 ára gamla Arna Þráinsdóttir er búin að skipta um félag í Skandinavíu eftir fimm ár hjá kvennaliði Odense í danska boltanum.
Uppsveitir hafa samið við Silvan Cokaj um að þjálfa meistaraflokk í sumar en hann er 37 ára gamall Albani sem hefur búið á Íslandi í um 6 ár.