Grótta er að undirbúa sig fyrir komandi átök í 2. deild. Í dag tilkynnti félagið að Caden McLagan væri genginn í raðir félagsins.
McLagan er Bandaríkjamaður sem verður 23 ára í apríl. Hann er yngri bróðir Kyle sem spilar með Fram í Bestu deildinni.
McLagan er Bandaríkjamaður sem verður 23 ára í apríl. Hann er yngri bróðir Kyle sem spilar með Fram í Bestu deildinni.
Úr tilkynningu Gróttu:
Hann er fæddur og uppalinn í Kansas City í Missouri fylki í Bandaríkjunum og lék með Sunflower State FC í yngri flokkunum. Hann stundaði nám í Columbia College og lék fótbolta með liði skólans.
„Það er mikið gleðiefni að hafa náð samningum við Caden. Hann hefur komið sterkur inn í hópinn og er jákvæður og drífandi karakter. Við hlökkum til að vinna með honum og vonandi verður þetta fyrsti kaflinn af farsælum ferli í evrópskum fótbolta,” sagði Magnús Örn Helgason yfirmaður fótboltamála um tíðindin.
Caden er sjálfur spenntur fyrir komandi leiktíð:
„Ég er mjög spenntur að vera orðinn leikmaður Gróttu. Ég hlakka til að spila í bláu treyjunni og hjálpa liðinu að komast upp um deild."
Athugasemdir
