Portúgalski miðjumaðurinn Bruno Fernandes hefur farið vel af stað með Manchester United og var valinn besti leikmaður félagsins í febrúar.
Fernandes, 25 ára, var keyptur til Man Utd í janúar fyrir 55 milljónir evra. Kaupverðið getur þó hækkað upp í 80 milljónir með árangurstengdum greiðslum. Þá fær Sporting 10% af hagnaðinum næst þegar Fernandes verður seldur.
Frá komu sinni til Man Utd er Fernandes búinn að spila þrjá leiki í ensku úrvalsdeildinni og tvo í Evrópudeildinni. Í þessum fimm leikjum er hann búinn að skora tvö mörk og leggja tvisvar sinnum upp.
Fernandes verður væntanlega í byrjunarliði Man Utd sem heimsækir Everton í ensku úrvalsdeildinni í dag.
🇵🇹 @B_Fernandes8 🤩
— Manchester United (@ManUtd) March 1, 2020
Our Portuguese playmaker is #MUFC’s Player of the Month for February!
Well done, Bruno 👏 pic.twitter.com/M18XjBIXtU
Athugasemdir