Troy Deeney skoraði eitt og komst nokkrum sinnum nálægt því að bæta við í 3-0 sigri Watford gegn Liverpool í enska boltanum í gær.

Ismaila Sarr gerði hin tvö mörkin og var valinn maður leiksins af Sky Sports, með 9 í einkunn.

Versti maður vallarins var Dejan Lovren, sem fékk aðeins 4 í einkunn í liði gestanna. Deeney viðurkenndi í viðtali eftir leikinn að hann hafi lagt upp með að keyra á Lovren frekar en Virgil van Dijk.

„Van Dijk er mikill meistari. Hann er meðal bestu varnarmanna heims, það er mjög erfitt að hafa betur í einvígi gegn honum," sagði Deeney.

„Hann er stór, sterkur og snöggur. Þess vegna valdi ég frekar að sækja á lakari miðvörðinn, án vanvirðingar í garð Lovren.

„Ég vissi að hann vildi berjast við mig líkamlega og það hentaði mér vel. Þetta var mjög erfiður leikur fyrir hann, hann var of upptekinn að atast í mér til að fylgjast með boltanum þegar við skoruðum."

Watford komst úr fallsæti með sigrinum. Liverpool trónir áfram á toppi úrvalsdeildarinnar, með 22 stiga forystu.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit