Þar voru þær að tala um ÍR en þær spá þeim fjórða sæti í 2. deild kvenna.

ÍR var slakasta lið landsins í kvennaflokki á síðasta ári og hafnaði á botninum í 2. deild. Liðið vann tvo leiki af 15 og náði í heildina í tíu stig.

„Ég er mjög sammála þessu vali," sagði Baldvin Már Borgarsson. „Þær hafa verið að gera mjög undanfarið, verið að vinna góða leiki."

Engilbert Friðfinnsson og Margrét Sveinsdóttir stýra ÍR í sumar en þau hafa haldið góðum leikmönnum og bætt við sig öflugum leikmönnum. Reynlsuboltinn Helena Ólafsdóttir er einnig í þjálfarateyminu.

„Það er metnaður, algjörlega. Það er eitthvað að gerast þarna í neðra Breiðholtinu og það mun sýnast í sumar," sagði Baldvin.

„Það var áhugi á nokkrum leikmönnum þarna en þær hafa verið að halda sig í sitt. Maður heyrir að það verði styrkingar utan frá. Það gerir gott betra," sagði Mist Rúnarsdóttir.

Ef ÍR endar í fjórða sæti þá mun liðið fara í úrslitakeppni um að komast upp.

„Þær fara pottþétt í úrslitakeppnina," sagði Hulda en hægt er að hlusta á þáttinn í heild sinni hér að neðan.

Sjá einnig:
Svona er ótímabæra spáin fyrir 2. deild kvenna