Æfingaleikur: Vestri og Ægir mættust á Spáni

Vestri og Ægir mættust í Balou á Spáni í æfingaleik í gær en honum lauk með 1-1 jafntefli.

Ægismenn voru sterkari aðilinn fyrsta klukkutímann en leikmenn Vestra unnu sig inn í leikinn og náðu forystunni er Gustav Kjeldsen stangaði boltann í netið eftir hornspyrnu Benedikts Warén.

Torfi Már Markússon jafnaði metin undir lok leiksins með skalla í samskeytin eftir aukaspyrnu Marko Panic.

Bæði lið munu spila í Lengjudeildinni á komandi tímabili.