Úlfur Arnar: Þetta var ekki okkar dagur

„Úrslitin voru of stór. Fyrri hálfleikurinn fór soldið með okkur, og mér fannst ég klikka aðeins í upplegginu. Eftir á að hyggja hefði ég átt að láta þá byrja fyrri hálfleik eins og við byrjuðum seinni hálfleikinn.''

„Við minnkum muninn í 2-1 í seinni hálfleik og mér fannst tímaspursmál hvenær við myndum jafna leikinn og þess vegna var mjög fúlt að fá þriðja markið á sig. Þetta var einhvern veginn ekki okkar dagur.''

2. deild hefur verið gríðarlega jöfn þetta tímabilið, en aðeins 6 stig skilja milli Kára í þriðja sæti og Hvíta Riddarans sem situr í 9. sæti. Kára var spáð falli í byrjun tímabils en eins og stendur eru þeir svokallað spútník-lið deildarinnar.

Í mínum huga var aldrei fallbarátta í kortunum og við höfum alltaf haft trú á strákunum að berjast í efri hlutanum. Það er gott að hafa 17 stig eftir fyrri umferðina en við höfum verið óheppnir upp á síðkastið og það eru nokkrir leikir sem við hefðum mögulega getað fengið tvö extra stig í.''

„Markmiðið er að gera betur í seinni umferðinni heldur en í fyrri og þá ættum við að vera á góðum stað undir lok móts.''

Næsti leikur Kára er í Gatorade-bikarnum á Blönduósvelli gegn Kormáki/Hvöt 8. júlí næstkomandi. Leikurinn verður í beinni textalýsingu á Fótbolti.net.

Viðtalið má sjá í heild sinni í spilaranum fyrir ofan.