Kári Árnason, verðandi yfirmaður knattspyrnumála hjá Víkingi R., segist meira en viljugur til þess að hjálpa Kyle McLagan að bæta sig en bandaríski varnarmaðurinn skrifaði undir tveggja ára samning hjá félaginu í dag.
McLagan kemur til Víkings á frjálsri sölu frá Fram eftir að hafa hjálpað þeim bláklæddu að komast upp í deild þeirra bestu.
Framarar unnu Lengjudeildina sannfærandi og var Kyle lykillinn í varnarleik liðsins. Kári hringdi í Kyle og tókst að sannfæra hann um að semja við Víking.
Kyle kemur til með að leysa Kára af hólmi sem hættir eftir tímabilið.
„Mjög góð. Þetta er mjög 'professional' strákur, kröftugur og rosalegt 'potential' í honum. Hann er fljótur, sterkur og virðist vera góður á boltann, þannig þetta er mjög góður 'canvas' að vinna með og vonandi get ég hjálpað honum á sinni leið," sagði Kári við Fótbolta.net.
„Vonandi kemst hann út í atvinnumennsku og takmarkið er að reyna að selja hann í framhaldinu af því."
„Ef hann er tilbúinn að hlusta á það sem ég hef að segja þá er ég meira en viljugur til að hjálpa honum eins mikið og hann vill," sagði hann um Kyle.
Sjá einnig:
Kyle McLagan: Símtalið frá Kára spilaði stóra rullu
Athugasemdir