„Rafnar er fjölhæfur leikmaður sem skoraði 4 mörk í 19 leikjum fyrir Völsung í 2.deildinni á síðasta tímabili. Þrátt fyrir ungan aldur býr Rafnar yfir töluverðri meistaraflokksreynslu en hann hefur leikið 100 leiki fyrir meistaraflokk Völsungs," segir í tilkynningu Þórs.

Rafnar er annar leikmaðurinn sem Þór nælir í frá því síðasta tímabil hófst. Áður hafði Valdimar Daði Sævarsson skrifað undir samning við félagið.

Þór endaði í sjöunda sæti deildarinnar á liðnu tímabili. Það var fyrsta tímabil liðsins undir stjórn Þorláks Árnasonar.