Man Utd og Liverpool meðal félaga sem vilja David - City reynir við Cambiaso - Romero eitt helsta skotmark Atletico
Luke Rae: Það halda allir að ég sé vélmenni
Jón Þór: Niðurstaðan er bara hræðileg
Óskar Hrafn eftir fimm marka sigur: Við eigum töluvert inni
Heimir Guðjóns: Þýðir ekki að mæta hingað og vera pínulitlir
Aron Sig: Nýt þess að spila og bara geggjað að vera kominn aftur
Haddi: Erum gott lið sem mun vaxa inn í mótið
Jóhann Kristinn: Ætli við höfum ekki skorað megnið af þessum mörkum sjálf
Fanndís: Þessi leikur var spilaður fyrir Ásgerði Stefaníu Baldursdóttur
Hallgrímur Mar: Djöfull var hann mikilvægur
Björgvin Karl: Áttum í rauninni ekkert skilið
Arna um fyrsta markið: Átti alltaf að vera sending
El Clasico úrslitaleikurinn í beinni á Fótbolta.net
Bestur í Mjólkurbikarnum: Gerði þrennu fyrir KR nýorðinn 15 ára
Elmar Cogic: Allir góðir hlutir taka tíma
Sölvi: Neita að trúa því að það séu einhver þreytumerki á okkur
Magnús Már: Þetta er það sem gerist ef það er trú og liðsheild
Alex Freyr: Gleymist í umræðunni að við erum með hörkulið
„Fúlt að tapa fótboltaleik ef við getum kallað þetta fótboltaleik"
Þórsvöllur er gryfja - „Elska þetta vallarstæði"
Gabríel Hrannar: Er fyrst og fremst svekktur
   mið 02. apríl 2025 14:30
Elvar Geir Magnússon
Böddi: Erum kannski ekki beittustu hnífarnir í skúffunni
Böðvar hefur leikið sem miðvörður hjá FH í síðustu leikjum.
Böðvar hefur leikið sem miðvörður hjá FH í síðustu leikjum.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Þetta er spennandi, óskrifað blað og allt getur gerst. Það er spenningur og ég er peppaður fyrir tímabilinu," segir Böðvar Böðvarsson, varnarmaður FH.

Böddi spjallaði við Fótbolta.net á kynningarfundi Bestu deildarinnar en FH-ingar hefja leik á mánudaginn, gegn Stjörnunni í Garðabæ. Frammistaða FH í gegnum undirbúningstímabilið hefur verið stigvaxandi.

„Jú algjörlega. Það voru margir leikir í byrjun undirbúningstímabilsins sem minntu á úrslitakeppnina í fyrra. Andlausir og óskipulagðir, og ekki að hjálpa hvor öðrum. Svo áttuðum við okkur á hvað gerir okkur góða og getur gefið okkur úrslit. Ef við höldum fast í þau gildi þá eru okkur allir vegir færir," segir Böðvar.

Mikil umræða var um hið svokallaða Skessumál í vetur, var það eitthvað sem þjappaði liðinu saman?

„Nei, svosem ekki. Ég hef allavega ekkert pælt í því persónulega. Við leikmenn erum kannski ekki beittustu hnífarnir í skúffunni og skiljum ekki einhver bókhaldstrix og eitthvað þannig."

Talað hefur verið um þörf FH á að fá miðvörð en Böddi, sem er í grunninn bakvörður, hefur verið að leysa þá stöðu.

„Ég hef verið að spila þetta í síðustu leikjum og það hefur gengið ágætlega. Það er margt sem maður á kannski eftir ólært í þeirri stöðu. Maður þarf smá tíma til að ná henni 100% en eins og í síðustu leikjum hefur liðið spilað þannig að við höfum náð að fela veikleika okkar sem einstaklinga og það er einkenni góðra liða. Ef við höldum því áfram í sumar þarf ég ekki að hafa áhyggjur, sama hvaða stöðu ég spila."

Þú ert alveg tilbúinn í að leysa þessa stöðu þegar á þarf að halda?

„Já algjörlega, þetta hentar mér ágætlega. Í stað þess að vera að góla þarna í bakverðinum er maður með allan völlinn fyrir framan sig í miðverðinum og getur kannski stjórnað hlutunum betur eins og þú vilt hafa það. Ég er tilbúinn að spila þessa stöðu eins mikið og þörf er á."

Í viðtalinu, sem sjá má í heild í sjónvarpinu hér að ofan, talar Böddi um markmið FH að vera í efri hlutanum og um leikinn gegn Stjörnunni en FH-ingum hefur gengið illa í leikjum gegn Garðabæjarliðinu. Svona er fyrsta umferðin í Bestu deildinni:

laugardagur 5. apríl
19:15 Breiðablik-Afturelding (Kópavogsvöllur)

sunnudagur 6. apríl
14:00 Valur-Vestri (N1-völlurinn Hlíðarenda)
16:15 KA-KR (Greifavöllurinn)
19:15 Fram-ÍA (Lambhagavöllurinn)

mánudagur 7. apríl
18:00 Víkingur R.-ÍBV (Víkingsvöllur)
19:15 Stjarnan-FH (Samsungvöllurinn)
Athugasemdir
banner