Það vakti athygli að Albert Guðmundsson var ekki í byrjunarliði Íslands gegn Ísrael í Þjóðadeildinni í kvöld.
„Maður velur kannski aðra styrkleika meira en þá sem Albert hefur fyrir þennan leik," sagði Arnar Þór Viðarsson áður en flautað var til leiks.
„Maður velur kannski aðra styrkleika meira en þá sem Albert hefur fyrir þennan leik," sagði Arnar Þór Viðarsson áður en flautað var til leiks.
Lestu um leikinn: Ísrael 2 - 2 Ísland
Albert kom inn á sem varamaður í síðari hálfleik en Kári Árnason skaut á það hvernig Albert kom inn í leikinn er hann fór yfir málin á Viaplay þegar búið var að flauta af.
„Albert er að spyrja sig af hverju hann er ekki í byrjunarliðinu. Þarna ertu bara með svarið," sagði Kári þegar rúllað var yfir myndbrot úr leiknum.
Í myndbrotinu sést þegar Albert fer af hálfum hug í einvígi um boltann.
Albert er frábær á boltanum og þar liggja hans styrkleikar, ekki kannski varnarlega eða í einvígum út á velli.
Athugasemdir