„Við getum verið ánægðir með jafnteflið. Missum mann af velli eftir 60.mínútur eða eitthvað svoleiðis samt fannst mér við í seinni hálfleik þeir ekki skapa sér mikið og við náðum að halda þetta út. Við áttum möguleika á skyndisóknum og kannski aðeins meiri nákvæmni en 1-1 eru bara fín úrslit." sagði Heimir Guðjónsson þjálfari FH eftir jafnteflið gegn Val í kvöld.
Lestu um leikinn: Valur 1 - 1 FH
Framundan eru átta liða úrslit í Mjólkurbikaranum og FH fær Breiðablik í heimsókn. Er Heimir byrjaður að undirbúa Blika?
„Nei, bara í fyrramálið. Núna er bara að sleikja aðeins sárin og hugsa vel um okkur og svo byrjum við að undirbúa okkur. Blikarnir eru með hörku gott lið og við þurfum að undirbúa okkur vel."
FH fær Breiðablik í heimsókn í Kaplakrika og hefur liðið ekki enþá tapað leik á grasi í sumar og liðið fer með ágætis tölfræði inn í það verkefni.
„Við skulum vona að þú hafir rétt fyrir þér." sagði Heimir léttur í lokin.
Viðtalið í heild sinni má sjá í sjónvarpinu hér að ofan.
Athugasemdir