Karólína Lea Vilhjálmsdóttir.

Mynd: Fótbolti.net - Hafliði Breiðfjörð

Hún fylgdist þó með leiknum í kvöld en hún var virk á Instagram á meðan á leiknum stóð. Hún setti mynd í 'Insta story' þar sem hún sýnir samskipti sín við Kristófer Eggertsson sem er kærasti Glódísar Perlu Viggósdóttur.

Þar segist hún hand viss um að Glódís muni skora með skalla. Kristófer var greinilega ekki bjartsýnn fyrir hönd kærustu sinnar þar sem hann bauðst til að borga Karólínu Leu 10 þúsund krónur ef hún myndi skora með skalla.

Á 70. mínútu fékk Ísland hornspyrnu, Amanda Andradóttir tók hana og smellti boltanum beint á ennið á Glódísi sem skoraði.

Karólína á því inni tíu þúsund krónur hjá Kristóferi, en hún og Glódís eru liðsfélagar hjá þýska stórveldinu Bayern München.