Jorge Jesus: Ronaldo ræður hvað hann gerir

Portúgal lagði Noreg að velli 2-1 fyrr í kvöld og á fréttamannafundi eftir lokaflautið fékk Jesus spurningar varðandi Cristiano Ronaldo, sem yfirgaf landsliðsbúðirnar í vikunni.

Ronaldo fór í fýlu og talaði málpípa hans í portúgölskum fjölmiðlum um svik af hálfu Jorge Jesus, sem lét hann hita upp án þess að nota hann í fyrri sigrinum gegn Noregi fyrir viku síðan. Systir Ronaldo sagði portúgölsku þjóðina ekki verðskulda Ronaldo en Jesus hefur aldrei lokað neinum dyrum.

„Fyrir mitt leyti er allt opið, Cris ræður sjálfur hvað hann gerir við sitt líf. Það hefur orðið einhver misskilningur og að mínu mati er auðvelt að leysa úr þessum ágreiningi. Ég hef ekkert á móti Cristiano og tel mig hafa not fyrir hann með landsliðinu," sagði Jesus.

„Ég er ekki leiður yfir þessu, Ronaldo ræður þessu alfarið. Þetta er hann sem er að taka þessar ákvarðanir, ekki ég."