Unai Emery, stjóri Aston Villa, hefur verið ánægður með Morgan Rogers á þessu tímabili en stjórinn staðfesti að það styttist í að samkomulag verði í höfn um nýjan samning.
Rogers gekk til liðs við Villa frá Middlesbrough í janúar en hann skoraði þrjú mörk í ellefu leikjum á síðustu leiktíð. Hann hefur skorað tvö mörk og lagt upp tvö á þessari leiktíð.
Þá hefur hann lagt upp eitt mark í Meistaradeildinni.
„Já við viljum framlengja samninginn hans, það er nú þegar á góðri leið. En ég vil fá meira frá honum, mér finnst hann geta gert meira. Það mikilvægasta er að við viljum framlengja við hann. Við viljum hafa hann hérna lengi," sagði Emery.
Athugasemdir
