Ekki á stefnuskránni að ræða við Eyþór Wöhler
Atli Sigurjóns.
Eyþór Wöhler.
Tiago Fernandes.
Tveir leikmenn hafa verið sterklega orðaðir við Fram að undanförnu en það eru þeir Atli Sigurjónsson og Eyþór Aron Wöhler. Samningur Atla við KR er runninn út og samningi Eyþórs við KR var rift á dögunum.
Atli þekkir vel að spila undir stjórn Rúnars Kristinssonar en þeir unnu saman hjá KR. Þeir urðu tvisvar sinnum Íslandsmeistarar og tvisvar sinnum bikarmeistarar saman. Rúnar er þjálfari Fram og ræddi við Fótbolta.net í dag.
„Ég hef rætt við Atla og hann er bara að skoða sín mál, ætlar eitthvað að bíða. Hann er ekki að skrifa undir neitt hjá mér á næstunni," segir Rúnar. Atli er einnig orðaður við áframhaldandi veru hjá KR og uppeldisfélagið Þór.
„Við höfum ekki rætt við Eyþór Wöhler og það er ekki á stefnuskránni," bætti þjálfarinn við hreinskilinn.
Eyþór er framherji en um helgina tilkynnti Fram um framlengingu á samningi þeirra Guðmundar Magnússonar og Magnúsar Inga Þórðarsonar. Guðmundur er framherji og Magnús spilaði talsvert í fremstu línu í sumar.
Atli þekkir vel að spila undir stjórn Rúnars Kristinssonar en þeir unnu saman hjá KR. Þeir urðu tvisvar sinnum Íslandsmeistarar og tvisvar sinnum bikarmeistarar saman. Rúnar er þjálfari Fram og ræddi við Fótbolta.net í dag.
„Ég hef rætt við Atla og hann er bara að skoða sín mál, ætlar eitthvað að bíða. Hann er ekki að skrifa undir neitt hjá mér á næstunni," segir Rúnar. Atli er einnig orðaður við áframhaldandi veru hjá KR og uppeldisfélagið Þór.
„Við höfum ekki rætt við Eyþór Wöhler og það er ekki á stefnuskránni," bætti þjálfarinn við hreinskilinn.
Eyþór er framherji en um helgina tilkynnti Fram um framlengingu á samningi þeirra Guðmundar Magnússonar og Magnúsar Inga Þórðarsonar. Guðmundur er framherji og Magnús spilaði talsvert í fremstu línu í sumar.
Vantar sexu?
Fram hefur sótt sex leikmenn frá því að síðasta tímabili lauk en fréttaritari sér í fljótu bragði ekki neinn þeirra fyrir sér í hlutverki varnarsinnaðs miðjumanns. Fram spilaði með þrjá miðverði í sumar og var Tiago oftast fyrir framan vörnina. Hann fékk ekki framlengingu á sínum samningi og verður ekki áfram.
„Ég er alveg með möguleika í leikmannahópnum, leikmenn sem geta leyst þetta hlutverk en við erum líka ennþá að skoða leikmannamarkaðinn og ekkert endilega hættir að sækja leikmenn. Það getur vel verið að við bætum við okkur þar og á fleiri stöðum. Tiago er ekki þessi hefðbundni varnarsinnaði miðjumaður, við vorum með fimm manna vörn og gátum nýtt krafta hans meira í því að passa boltann, taka hann niður og spila. Ef við viljum breyta kerfinu, vera aðeins sókndjarfari, þá þarf kannski varnarsinnaðri miðjumann fyrir framan vörnina. Tiago hentaði kannski ekki alveg í það. Við erum alveg að skoða í kringum okkur, en annars eigum við stráka í Fram sem spiluðu á síðasta tímabili sem geta leyst þá stöðu."
Ertu að hugsa um að fara í fjögurra manna vörn fyrir komandi tímabil?
„Nei, ekkert endilega. Það eru margar útfærslur á þriggja miðvarða kerfi. Við eigum vonandi eftir að þróa okkar leik áfram, vera aðeins sókndjarfari, ekki liggja alltof mikið til baka þó að það hafi gefið góða raun í byrjun tímabils. Við fórum aðeins úr því þegar leið á og vorum kannski komnir full framarlega með liðið og það fór ekkert sérstaklega vel í restina og við þurfum að sjá hvernig er best að gera þetta," segir Rúnar.
Athugasemdir
