Landsliðskonan Gunnhildur Yrsa Jónsdóttir er gengin í raðir bandaríska liðsins Utah Royals.
Frá þessu greindi félagið fyrir nokkrum mínútum. Gunnhildur hefur strax fengið skemmtilegt gælunafn en á vefsíðu Utah er hún kölluð Gunnhildur "Gunny"; ekki ósvipað bardagakappanum Gunnari Nelson sem er alltaf kallaður Gunnar "Gunni" Nelson.
Utah Royals er staðsett í Salt Lake City í Utah-fylki í Bandaríkjunum. Þetta er nýtt félag, en það var sett á laggirnar fyrir aðeins nokkrum dögum. Liðið mun leika í bandarísku kvennadeildinni í fyrsta sinn á komandi keppnistímabili.
Frá þessu greindi félagið fyrir nokkrum mínútum. Gunnhildur hefur strax fengið skemmtilegt gælunafn en á vefsíðu Utah er hún kölluð Gunnhildur "Gunny"; ekki ósvipað bardagakappanum Gunnari Nelson sem er alltaf kallaður Gunnar "Gunni" Nelson.
Utah Royals er staðsett í Salt Lake City í Utah-fylki í Bandaríkjunum. Þetta er nýtt félag, en það var sett á laggirnar fyrir aðeins nokkrum dögum. Liðið mun leika í bandarísku kvennadeildinni í fyrsta sinn á komandi keppnistímabili.
Gunnhildur hefur frá árinu 2013 leikið í Noregi, á síðasta tímabili með Valerenga þar sem hún var fyrirliði á sínu fyrsta tímabili. Hún lék áður með Stabæk.
Utah ætlar sér stóra hluti á komandi tímabili og hefur samið við bandarískar landsliðskonur sem og Gunnhildi.
Gunnhildur Yrsa á 48 landsleiki fyrir Íslands hönd.
„Þetta var mjög spennandi tilboð sem fól í sér að spila í einni alsterkustu deild heims. Það var erfitt að segja nei við þessu,“ sagði Gunnhildur við mbl.is.
Dagný Brynjarsdóttir varð meistari með Portland Thorns í Bandaríkjunum á síðustu leiktíð. Ekki er enn víst hvort hún verði áfram með Portland á næstu leiktíð.
GUNNNNNNNNNNNYYYYYYYYYYYYYY pic.twitter.com/D6UXNXFA1Y
— Utah Royals FC (@UtahRoyals) January 3, 2018
Athugasemdir
