Ólafur Örn Eyjólfsson
HK-ingurinn Ólafur Örn Eyjólfsson er samningslaus, rann út á samningi hjá HK eftir síðasta tímabil og er samkvæmt heimildum Fótbolta.net að skoða hvernig landið liggur í kringum sig.
Hann hefur verið í viðræðum við HK um nýjan samning en erfiðlega hefur gengið milli hans og HK að ná saman.
Hann hefur verið í viðræðum við HK um nýjan samning en erfiðlega hefur gengið milli hans og HK að ná saman.
Ólafur er 28 ára miðjumaður sem uppalinn er í HK en hefur einnig leikið með KV, Fjarðabyggð og Þrótti Vogum á sínum meistaraflokksferli.
Hann hjálpaði HK að vinna sér sæti í Bestu deildinni næsta sumar þegar hann lék átta leiki með liðinu í Lengjudeildinni á síðasta tímabili. Hann á alls að baki 96 leiki í deild og bikar á ferlinum og hefur í þeim skorað fjögur mörk.
Síðast þegar HK fór upp úr næstefstu deild, sumarið 2018, var Ólafur algjör lykilmaður í HK og var valinn leikmaður ársins hjá félaginu. Tímabilið 2020 var hann sá leikmaður sem fór í flestar tæklingar í efstu deild að meðaltali fyrir hverjar 90 mínútur spilaðar; 9,9 tæklingar fyrir hverjar 90 mínútur spilaðar.
Athugasemdir
