Eltir Sindri ástina til Svíþjóðar?

Sindri Kristinn Ólafsson gæti verið á leið til Svíþjóðar. Frá þessu segir Sigurður Gísli Bond, einn af sérfræðingum Dr. Football, í færslu á X en tíðindin hafa hvorki fengist staðfest né hefur þeim verið neitað.

Kærasta Sindra, landsliðskonan Guðrún Arnardóttir, samdi í síðasta mánuði við Hammarby og segir Sigurður að Sindri sé að flytja út til hennar.

Markmaðurinn hjálpaði Keflavík að komast upp úr Lengjudeildinni á síðasta tímabili og framlengdi hann samning sinn við félagið í vetur. Sindri var fenginn til Keflavíkur frá FH eftir að Ásgeir Orri Magnússon sleit krossband síðasta vor.