1. Við erum ekki nógu góðir. Þetta atriði er mjög mikilvægt þegar vandi Tottenham er krufinn til mergjar. Ég legg til að þú látir strákana gera æfingar sem gera þá betri en aularnir í hinum liðunum eru. Meðfylgjandi er dæmi um æfingu sem ég lét Eið Smára gera þegar hann æfði fótbolta.
Sæll Eiður. Í þessari viku vil ég að þú æfir þig í að skalla í stöngina og út. Byrjaðu án bolta fyrstu dagana og þegar þér finnst þú vera tilbúinn þá geturðu byrjað með lítinn bolta, td billjard-bolta.

2. Við hlaupum ekki nógu hratt. Hægar fótahreyfingar er auðvelt að laga og þarna er líka hægt að nýta billjard-boltana. Sjá meðfylgjandi æfingu sem ég lét Bjössa gera í denn.
Við skiptum ì tvo hòpa, Bjössi var annar hòpurinn og èg hinn, svo reyndi Bjössa hòpur að forðast að minn hópur næði að henda billjard-boltum ì lappirnar à honum. Þetta var mjög skemmtileg æfing og gefandi.

3. Það vantar leikgleði í hópinn. Þetta er oft hægt að leysa með því að brydda uppá einhverju nýju. Þegar ég skynja þreytu og pirring við þjálfun á Bjössa þá veit ég að ég þarf að gera eitthvað nýtt og skemmtilegt svo ég hætti að vera þreyttur og pirraður á honum. Sjá meðfylgjandi dæmi úr þjálfunardagbókinni minni.
Ég ákvað að brjóta upp æfingamynstrið hjá Bjössa í gær og í stað þess að æfa vöðvana þá ákvað ég að hafa skákæfingu. Við tefldum blindskák, báðir með bundið fyrir augun, og til þess að hafa þetta ekki of létt þá vorum við líka með eyrnatappa. Vandamálið með svona æfingu er að það er erfitt að átta sig á því hvort hinn sé búinn að gera og þremur tímum síðar sömdum við um jafntefli en þá var ég ennþá að bíða eftir fyrsta leik Bjössa, sem hélt að ég væri með hvítu mennina.

Ég geri ráð fyrir að þú sért ansi sár og leiður eftir þennann lestur, en mundu það Tim að ég skrifa í einlægri von um að þetta hjálpi þér að verða aðeins minna lélegur þjálfari.
kveðja Venni Páer

Facebook síða Venna Páer