England: Leeds upp á efra skiltið

Leeds var rétt í þessu að sigra Sheffield United með því að skora tvö mörk gegn einu marki gestanna.

Jack Harrison skoraði fyrra mark Leeds á 12. mínútu eftir góða sendingu frá Raphina. Harrison skoraði með skoti í vinstra markhornið. Harrison er á sínu þriðja tímabili Leeds og hefur aldrei skorað meira á leiktíð með félaginu (sjö mörk).

Ben Osborn jafnaði leikinn á annarri mínútu uppbótartíma fyrir Sheffield þegar hann fylgdi á eftir frákasti.

Strax í upphafi seinni hálfleiks varð gamla brýnið, Phil Jagielka, fyrir því óláni að skora sjálfsmark og koma Leeds í 2-1. Jagielka ætlaði að fara fyrir fyrirgjöf en boltinn fór af honum og í netið.

Þeir Rhian Brewster og Oliver Burke fengu sénsa fyrir Sheffield undir lok seinni hálfleiks en tókst ekki að nýta þá.

Leeds fer með sigrinum upp fyrir Aston Villa og í 10. sætið. Sheffield er áfram í botnsætinu og það styttist alltaf í (Staðfest) á að liðið sé fallið.