„Þetta var góð frammistaða og við kláruðum stöðurnar okkar vel," sagði Jurgen Klopp, stjóri Liverpool, eftir sigur á Arsenal í ensku úrvalsdeildinni í kvöld.
„Arsenal var ekkert inn í leiknum í 95 mínútur og það var okkur að þakka."
„Arsenal var ekkert inn í leiknum í 95 mínútur og það var okkur að þakka."
„Pressan okkar var á hæsta stigi sem var mikilvægt. Varnarleikurinn var nákvæmlega eins og hann átti að vera. Ég er mjög ánægður með frammistöðuna í heild sinni og ég er enn ánægðari með stigin þrjú."
Diogo Jota kom með kraft inn í leikinn en hann byrjaði ekki þar sem hann spilaði mikið fyrir Portúgal í landsleikjahlénu. „Við erum orðnir vanir því að skora ekki úr fyrstu færunum sem við fáum. Svo skoruðum við frábær mörk og Trent Alexander-Arnold sýndi gæðin sem hann hefur... ég ber ekki ábyrgð á ákvörðunum Gareth Southgate (landsliðsþjálfara Englands)."
Liverpool er í fimmta sæti núna, tveimur stigum frá Chelsea í fjórða sæti.
„Við erum ekki að horfa á Chelsea eða West Ham því við þurfum að vinna okkar leiki. Önnur lið þurfa að tapa því við erum ekki að fara að spila aftur við Chelsea eða Leicester, og þessi lið. Í dag var heildarpakkinn mjög góður og við þurfum að halda áfram að vinna," sagði Klopp.
Sjá einnig:
Alexander-Arnold svaraði enska landsliðsþjálfaranum vel
Athugasemdir
