Stóri Sam orðinn stjóri Leeds (Staðfest) - „Tók mig tvær sekúndur að segja já“

Stóri Sam Allardyce hefur verið ráðinn stjóri Leeds út tímabilið.

Mynd: Getty Images

Það tók hann tvær sekúndur að segja já.

Mynd: Getty Images

Stóri Sam Allardyce hefur verið ráðinn stjóri Leeds út tímabilið.

Mynd: Getty Images

Stóri Sam Allardyce mætti á æfingasvæði Leeds United í morgun og hefur nú verið staðfestur sem nýr stjóri liðsins. Honum er ætlað að bjarga Leeds frá falli á lokasprettinum.

Leeds er markatölunni frá því að vera í fallsæti en liðið á eftir að leika gegn Manchester City, Newcastle, West Ham og Tottenham.

Javi Gracia hefur verið rekinn en hann tók við liðinu í febrúar.

„Það tók mig tvær sekúndur að segja já við þessu starfi," segir hinn 68 ára gamli Allardyce en hans fyrsti leikur verður gegn City á laugardag.

„Mér brá þegar ég fékk símtalið, ég bjóst ekki við þessu á þessum tímapunkti. Ég hélt að það myndi ekki losna neitt starf. Það hefði verið betra að fá meiri tíma en ég hef fjóra leiki til að halda þessu stórkostlega félagi í ensku úrvalsdeildinni."

Victor Orta sem var yfirmaður fótboltamála yfirgaf Leeds í gær en hann var ekki sammála stjórn Leeds varðandi stöðu Gracia. Það hefur blásið bak við tjöldin hjá Leeds en Gracia tók við af Jesse Marsch sem náði ekki einu ári í starfi eftir að Marcelo Bielsa var rekinn.

Leeds hefur farið í gegnum fimm leiki án sigurs, þar af fjóra tapleiki, síðan liðið vann 2-1 gegn Nottingham Forest þann 4. apríl.

Það má segja að hugmyndafræði Allardyce sé algjörlega andstæðan við Bielsea. Allardyce hefur meðal annars stýrt Bolton, West Ham og Everton en samtals hefur hann stýrt yfir 500 úrvalsdeildarleikjum á 29 ára ferli.

???? #LUFC can confirm Javi Gracia will leave the club, with our remaining four games overseen by experienced head coach Sam Allardyce. We thank Javi and his team for their efforts under difficult circumstances.
— Leeds United (@LUFC) May 3, 2023

Það tók hann tvær sekúndur að segja já.

Mynd: Getty Images

Stöðutafla

#	Lið	L	mun	Stig
1	Arsenal	0	0	0
2	Aston Villa	0	0	0
3	Bournemouth	0	0	0
4	Brentford	0	0	0
5	Brighton	0	0	0
6	Chelsea	0	0	0
7	Coventry	0	0	0
8	Crystal Palace	0	0	0
9	Everton	0	0	0
10	Fulham	0	0	0
11	Hull City	0	0	0
12	Ipswich Town	0	0	0
13	Leeds	0	0	0
14	Liverpool	0	0	0
15	Manchester City	0	0	0
16	Manchester Utd	0	0	0
17	Newcastle	0	0	0
18	Nott. Forest	0	0	0
18	West Ham	38	-19	39
19	Burnley	38	-37	22
19	Sunderland	0	0	0
20	Wolves	38	-41	20
20	Tottenham	0	0	0