Keflavík tapaði á heimavelli gegn ÍR í fyrstu umferð Lengjudeildarinnar í kvöld. Fótbolti.net ræddi við Harald Frey Guðmundsson þjáflara Keflavíkur eftir leikinn.
Lestu um leikinn: Keflavík 1 - 2 ÍR
„Þetta var verðskuldaður sigur hjá ÍRingum, þeir gerðu þetta erfitt fyrir okkur, börðust eins og ljón og skildu allt eftir á vellinum og við áttum ekki svör við því," sagði Haraldur.
„Við fáum þrjú færi þar sem við erum einn á móti markmanni og það er varið frá okkur í hvert skipti. Mörk vissulega breyta leikjum, ef við nýtum ekki færin sem við fáum er erfitt að vinna fótboltaleiki."
Var vanmat hjá ykkur í kvöld?
„Nei það held ég ekki. Ég var búiinn að segja við þá að þetta yrði skrítinn leikur sem varð raunin. Alls ekkert vanmat hjá okkur," sagði Haraldur.
„Mótið tapast ekki eða vinnst í fyrstu umferð. Auðvitað hefðum við viljað byrja á sigri á okkar heimavelli. Það fór eins og það fór það er bara áfram gakk og næsti leikur."