Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
banner
   sun 03. júlí 2022 11:00
Jóhann Þór Hólmgrímsson
Ronaldo undir smásjá Bayern Munchen - Antony til United?
Powerade
Mynd: EPA
Mynd: EPA
Lisandro Martinez
Lisandro Martinez
Mynd: Getty Images
Mynd: Getty Images
Mynd: EPA
Mynd: EPA

Slúðurpakki dagsins kominn í hús. BBC tók saman.


Erik ten Hag stjóri Manchester United vill fá brasilíska framherjann Antony frá Ajax ef Cristiano Ronaldo yfirgefur félagið í sumar. (Mirror)

Napoli hefur áhuga á Ronaldo. Umboðsmaður portúgalska landsliðsmannsins hefur farið á fund með Todd Boehly eiganda Chelsea og Bayern Munchen hefur verið látið vita af stöðu leikmannsins. (Athletic)

Manchester United hefur bætt tilboð Arsenal í Lisandro Martinez en félagið bauð Ajax 38 milljónir punda fyrir argentíska miðvörðinn. (Mail)

Arsenal og Manchester United eru einnig að berjast um Serge Gnabry vængmann Bayern Munchen en hann er falur fyrir 40 milljónir punda. Samningur þessa fyrrum Arsenal manns rennur út næsta sumar. (Star)

Gnabry veriður efstur á lista Manchester City ef félagið selur Raheem Sterling í sumar. (Sun)

Joan Laporta forseti Barcelona segir að félagið hafi talað við Leeds United um möguleg kaup á Raphinha en þessi 25 ára gamli leikmaður vill fara til spænska félagsins. Chelsea hefur fengið samþykkt tilboð uppá 55 milljónir punda í leikmanninn. (Mail)

Barcelona ætlar ekki að selja hollenska miðjumanninn Frenkie de Jong en félagið vill að hann takki á sig launalækkun. Hann er á óskalista Manchester United. (AS)

Mohamed Salah var tilbúinn til að fara aftur til Chelsea áður en egypski framherjinn samþykkti nýjan samning sem gerði hann að launahæsta leikmanni Liverpool í sögunni. (Sun)

Everton er í viðræðum um kaup á brasilíska varnarmanninum Rodrigo Becao frá Udinese. (Gianluca di Marzio)

Nicolas Tagliafico mun yfirgefa Ajax í sumar, Brighton og Lyon hafa meðal annars áhuga á þessum 29 ára gamla argentíska varnarmanni. (Fabrizio Romano)

Nottingham Forest er nálægt því að festa kaup á franska miðverðinum Moussa Niakhate, 26, en Mainz hefur samþykkt tilboð enska félagsins í leikmanninn. (Fabrizio Romano)

Crystal Palace er að undirbúa tilboð í Morgan Gibbs-White, 22, leikmann Wolves en hann er metinn á 20 milljónir punda. (Sun)

Trezeguet er að fara í læknisskoðun hjá Trabzonspor eftir að tyrkneska félagið náði samkomulagi um kaup og kjör við Aston Villa. (Voel)

Manchester United er að íhuga að fá brasilíska vængmanninn Gabriel Veron, 19, frá Palmeiras en hann mun kosta 10 milljónir punda. (Sunday Mirror)

Brasilíski bakvörðurinn Alex Telles, 29, er næstur til að yfirgefa Manchester United eftir að hann lenti í áflogum við Hannibal Mejbri, 19, á æfingu. (Mirror)

Manchester United fylgist grant með gangi mála þar sem Arsenal á í vandræðum með að ná samkomulagi við Youri Tielemans, 25, miðjumann Leicester. (Star)

Chelsea er í viðræðum við AC Milan vegna áhuga ítalska liðsins á Hakim Ziyech, 29. Hann gæti gengið til liðs við Milan á láni með möguleika á kaupum síðar. (Nicolo Schira)

Fulham hefur gert lánstilboð í Leo Dubois hægri bakvörð Lyon en félagið vill frekar selja þennan 27 ára gamla leikmann. (L'Equipe)

Vinicius Jr, 21, mun skrifa undir nýjan samning sem mun innihalda 1 milljarð punda riftunarákvæði til að fæla PSG í burtu. (Marca)

Barcelona er tilbúið til að leyfa Memphis Depay að yfirgefa félagið fyrir 25 milljónir evra. (AS)

Ousmane Dembele, 25, er nálægt því að ná samkomulagi um nýjan tveggja ára samning við Barcelona. (Sport)

Andreas Christensen, 26, verður kynntur sem leikmaður Barcelona í vikunni en samningur hans við Chelsea er að renna út. Þá verður Franck Kessie einnig kynntur sem nýr leikmaður Barcelona. (Mundo Deportivo)

Inter Milan mun selja Stefan de Vrij í ensku úrvalsdeildina í sumar því félagið vill ekki missa hann á frjálsri sölu næsta sumar þegar samningur hans við félagið rennur út. (Calcio Mercato)

Það eru 70-80 prósent líkur á því að Arturo Vidal fari til Boca Juniors eftir að hafa yfirgefið Inter Milan í sumar. (Mundo Deportivo)

Atletico Madrid hefur áhuga á Federico Bernardeschi, 28, leikmanni Juventus. (Sky Sport Italia)

Samningur Zlatan Ibrahimovic hjá AC Milan er runninn út en þessi fertugi svíi ætlar í viðræður við félagið um nýjan samning. (Sky Sport Italia)


Athugasemdir
banner
banner