Gísli Eyjólfsson var í byrjunarliði Halmstad sem lagði Djurgarden af velli 1-0 í sænsku deildinni. Hann var tekinn af velli þegar stundafjórðungur var til loka venjulegs leiktíma. Birnir Snær Ingason var ónotaður varamaður.
Hlynur Freyr Karlsson var í byrjunarliði Brommapojkarna sem tapaði 1-0 gegn Varnamo. Þetta var mikilvægur sigur fyrir Halmstad sem er þremur stigum frá fallsæti fyrir lokaumferðina. Brommapojkarna er einu stigi á undan Halmstad.
Brynjólfur Willumsson spilaði 75 mínútur þegar Groningen steinlá 6-0 gegn Nijmegen í hollensku deildinni. Liðið er í 15. sæti með 9 stig eftir 11 umferðir. Liðið hefur tapað sex leikjum í röð. Kolbeinn Finnsson var ónotaður varamaður í 4-1 sigri Utrecht gegn Sparta Rotterdam. Utrecht er í 3. sæti með 25 stig, jafnmörg stig og Ajax sem er í 2. sæti.
Helgi Fróði Ingason spilaði síðasta stundafjórðunginn þegar Helmond tapaði 1-0 gegn Excelsior í næst efstu deild í Hollandi. Helmond er á toppnum með 27 stig eftir 13 umferðir, stigi á undan Excelsior.
Valgeir Valgeirsson kom inn á sem varamaður í 2-1 sigri Örebro gegn Helsingborg í næst efstu deild í Svíþjóð. Öster valtaði yfir Skovde 5-2 en Þorri Mar Þórisson leikmaður Öster er meiddur og Stefan Ljubicic var ónotaður varamaður hjá Skövde. Öster er í 2. sæti með 51 stig, tveimur stigum á undan Landskrona í baráttunni um að komast upp en aðeins ein umferð er eftir. Öster mætir toppliði Dagerfors í lokaumferðinni.
Örebro er í 9. sæti með 38 stig en Skövde er á botninum og er fallið.
Sverrir Ingi Ingason var í byrjunarliði Panathinaikos í 1-0 sigri á Volos í grísku deildinni. Panathinaikos er í 5. sæti með 16 stig eftir tíu umferðir.
