Ítalía: Atalanta rúllaði yfir Napoli - Spenna á toppnum

Leikurinn byrjaði frábærlega fyrir Atalanta þegar Lookman braut ísinn á 10. mínútu en 20 mínútum síðar var Lookman aftur á ferðinni og var þá búinn að tvöfalda forystuna. Charles De Ketelaere lagði upp bæði mörkin. Hálfleikstölur voru 2-0 Atalanta í vil.

Napoli reyndu eins og rjúpan við staurinn að vinna sig aftur inn í leikinn og gerðu fullt af breytingum í seinni hálfleiknum en Atalanta kláruðu leikinn í lokin. Það Mateo Retegui sem skoraði á 92. mínútu og innsiglaði frábæran 3-0 sigur Atalanta.

Þetta er ansi óvænt þar sem Napoli hafði fengið á sig 5 mörk í 10 leikjum fyrir þennan leik. Atalanta er núna þremur stigum frá Napoli sem er á toppi deildarinnar. Inter Milan er í 3. sæti og eiga leik til góða. Með sigri Inter fara þeir í 2. sætið aðeins einu stigi frá Napoli.