Lið vikunnar í enska - Van Dijk, Jorginho og Lukaku í liðinu

Markvörður: Hugo Lloris (Tottenham) - Varði víti í lokin í 1-1 jafntefli gegn Arsenal.

Varnarmaður: Sokratis Papastathopoulos (Arsenal) - Var virkilega öflugur og hélt Harry Kane niðri.

Varnarmaður: Virgil van Dijk (Liverpool) - Heldur áfram að vera ótrúlega öflugur og er jafnvel besti miðvörður heims í dag.

Varnarmaður: Jan Vertonghen (Tottenham) - Var klettur fyrir Spurs gegn Arsenal.

Varnarmaður: Aaron Wan-Bissaka (Crystal Palace) - Stjarna að verða til. Frábær í sigri gegn Burnley.

Miðjumaður: Andreas Pereira (Man Utd) - Skoraði og lagði upp í 3-2 sigri gegn Southampton.

Miðjumaður: Jorginho (Chelsea) - Hefur fengið talsverða gagnrýni en var flottur og skoraði gott mark í sigri gegn Fulham í gær.

Miðjumaður: Jordan Henderson (Liverpool) - Liverpool átti ekki sinn besta leik gegn Everton en ekki er hægt að kvarta undan Henderson.

Sóknarmaður: Troy Deeney (Watford) - Fer gríðarlega langt á viljanum og ástríðunni. Skoraði í 2-1 sigri gegn Leicester.

Sóknarmaður: Romelu Lukaku (Man Utd) - Hefur verið mjög drjúgur síðan hann kom aftur í byrjunarliðið. Skoraði tvö um helgina.

Sóknarmaður: Wilfried Zaha (Crystal Palace) - Skoraði í sigrinum gegn Burnley.