„Varnarvinnan var bara frábær hjá stelpunum. Fylgdu öllu skipulagi mjög vel, dugnaðurinn, viljinn og hentu sér fyrir bolta. Við gerðum okkur alveg grein fyrir því fyrir leikinn að við værum að fara í þannig leik að við þyrftum að verjast. Við ætluðum bara að njóta þess og svo skemmir ekki fyrir að hún var stórkostleg í markinu fyrir aftan.“
Sagði Gunnar Magnús Jónsson þjálfari Keflavíkur um leik liðs síns þegar Keflavík lagði Breiðablik 1-0 nú fyrr í kvöld.
Sagði Gunnar Magnús Jónsson þjálfari Keflavíkur um leik liðs síns þegar Keflavík lagði Breiðablik 1-0 nú fyrr í kvöld.
Lestu um leikinn: Keflavík 1 - 0 Breiðablik
Leikurinn var að mörgu leyti eins og leikur liðana í Keflavík í fyrra þar sem Keflavík komst yfir snemma en Blikar í það skiptið jöfnuðu á lokaandartökum leiksins. Hvað fór í gegnum huga Gunnars þegar dómari leiksins flautaði víti djúpt í uppbótartíma?
„Það var svolítið blendið ef ég segi alveg eins og er. Auðvitað hundfúlt að fá á sig víti svona í blálokin eftir alla þessa vinnu en það laumaðist að mér að hún var búin að vera svo frábær í markinu og þetta væri svona dagur sem er stundum með markmenn að hún myndi bara halda hreinu í dag og ég hafði trú á því að hún myndi verja þetta víti.“
Gunnar Magnús var líflegur á hliðarlínunni í dag sem fyrr og hvatti sína leikmenn vel áfram. Fréttaritari sló á létta strengi og spurði Gunnar hvort hann eða leikmenn færu þreyttari á koddann í kvöld?
„Ég hugsa að leikmenn verði nú mun þreyttari. Ég sagði við þær fyrir leik að ég óskaði eftir þannig framlagi í dag að þær gætu varla gengið á morgun. Við Suðurnesjamenn erum bara þekkt fyrir það að við leggjum okkur fram, tökum góðan leik og fáum okkur góðan bragðaref á eftir og þá erum við fersk á morgun. “
Sagði Gunnar en allt viðtalið má sjá hér að ofan.
Athugasemdir