Firmino kominn til Al-Ahli (Staðfest)

Firmino kemur á frjálsri sölu eftir 111 mörk og 79 stoðsendingar í 362 leikjum með Liverpool.

Brasilíski sóknarmaðurinn gerir þriggja ára samning við Al-Ahli og mun spila þar með Edouard Mendy, fyrrum markverði Chelsea sem var keyptur til Arabíu á dögunum. Al-Ahli hefur einnig reynt að krækja í Franck Kessie og Romelu Lukaku í sumar en án árangurs.

Það verður áhugavert að fylgjast með öllum þessum stórstjörnum reyna fyrir sér í Sádí-Arabíu, en Firmino er 31 árs gamall og hefur skorað 17 mörk í 55 landsleikjum með Brasilíu.

Firmino er elskaður og dáður af stuðningsmönnum Liverpool en nú er kominn tími til að róa á önnur mið.

Si Señor ????????#WelcomeFirmino

pic.twitter.com/w0k9ell39A

— Al-Ahli Saudi Club (@ALAHLI_FCEN) July 4, 2023