Ísak Snær Þorvaldsson, leikmaður Breiðabliks, er núna staddur í Noregi þar sem hann er að ganga frá samningi við Rosenborg.
Norski fréttamaðurinn Stian André de Wahl birtir mynd af Ísak þar sem hann er staddur á flugvellinum í Þrándheimi, en hann spilaði með Breiðabliki í 3-0 sigri á Stjörnunni í gær.
Sagt er að Ísak muni ganga í raðir Rosenborg, sem er stærsta félagið í Noregi, í byrjun ársins 2023.
Ísak, sem er 21 árs gamall, hefur verið frábær í liði Breiðabliks í sumar og er hann búinn að skora 13 mörk í 20 leikjum í Bestu deildinni í sumar.
Ef hann fer til Rosenborg - eins og allt bendir til þessa stundina - þá verður hann annar Íslendingurinn hjá félaginu því þar er líka Kristall Máni Ingason.
Ísak Snaer Thorvaldsson er tirsdag på plass i Trondheim for å gjennomføre medisinsk test og fullføre overgangen fra Breidablik til Rosenborg.🇮🇸🛩
— Stian André de Wahl (@StianWahl) October 4, 2022
Allerede enighet om en avtale fra 1.januar 2023. https://t.co/Uxvumobjuy pic.twitter.com/abzVXLjTyX
Athugasemdir