Mikael rekinn frá Njarðvík?

Í slúðurheimum er það helst að Mikael Nikulásson sé ekki lengur þjálfari meistaraflokks Njarðvíkur.

Ástríðan vakti athygli á þessu á Twitter og í kjöflarið hefur fréttaritari haft samband við formann knattspyrnudeildar sem og stjórnarmann.

Hvorki Gylfi Þór Gylfason, formaður né stjórnarmaður sem undirritaður náði tali á gat tjáð sig um málið. Samkvæmt upplýsingum Fótbolta.net kemur tilkynning frá félaginu á morgun.

Mikael tók við sem þjálfari liðsins fyrir síðustu leiktíð og var með liðið í 4. sæti þegar móti var slaufað eftir tuttugu umferðir.