Hollenski varnarmaðurinn Virgil van Dijk hefur verið einn besti leikmaður ensku úrvalsdeildarinnar á þessari leiktíð.
Þessi 25 ára gamli miðvörður er á sínu öðru tímabili hjá Southampton en hann var keyptur frá Celtic fyrir þrettán milljónir punda í september 2015.
Frábær frammistaða hans að undanförnu hefur ekki farið framhjá neinum og samkvæmt enskum fjölmiðlum hafa Man Utd, Man City og Everton mikinn áhuga á að næla í kappann.
Van Dijk er reyndar samningsbundinn Southampton til ársins 2022 en samkvæmt heimildum dagblaðsins Sunday People er riftunarákvæði upp á 25 milljónir punda í samningi Hollendingsins.
Athugasemdir