Klopp: Þessi leikur meira virði heldur en þrjú stig

Klopp segist vera gríðarlega spenntur fyrir þessari viðureign enda sé alltaf sérstakur bragur yfir viðureignum þessara liða. Þýski stjórinn talar um að þetta sé aðal erkifjendaslagur enska boltans.

„Að mínu mati þá er þetta stærsti erkifjendaslagurinn í deildinni og hefur verið það lengi," sagði Klopp í samtali við Geoff Shreeves hjá Sky Sports. „Þetta er alvöru risaslagur sem er alltaf erfiður fyrir bæði lið, hvorum vellinum sem spilað er á. Þetta eru stór félög með frábæra stuðningsmenn.

„Man Utd er á frábæru skriði þessa stundina eftir nokkur vonbrigðatímabil. Félagið gerði virkilega vel að krækja í Erik ten Hag og núna er orðið virkilega erfitt að spila gegn þessu liði.

„Þetta er sterkt lið með góða blöndu af gæðum og reynslu. Þetta er ekki leikmannahópur sem er hugsaður fyrir næstu tíu árin, heldur til að vinna eitthvað sem fyrst. Þeir hafa krækt í frábæra leikmenn undanfarin misseri eins og Casemiro, Varane og Eriksen."

Liverpool er í sjötta sæti úrvalsdeildarinnar sem stendur, með 39 stig eftir 24 umferðir. Man Utd er í þriðja sæti með 49 stig. 

„Þessi leikur er mikils meira virði heldur en þessi þrjú stig sem eru í boði. Þetta er gríðarlega mikilvægur slagur fyrir bæði lið og við verðum að mæta grimmir til leiks og tilbúnir í alvöru slag."