Championship: Birmingham upp í annað sætið

Það tók Birmingham aðeins 48 sekúndur að komast yfir þegar Alex Cochrane skoraði með hörkuskoti fyrir utan vítateiginn.

Max Bird og Jay Stansfield bættu síðan við tveimur mörkum áður en hálftími var liðinn af leiknum.

Með sigrinum fór Birmingham upp í annað sæti deildarinnar með 26 stig, aðeins tveimur stigum á eftir toppliði Middlesbrough, en Millwall situr í 13. sæti með 18 stig.

WBA og Southampton gerðu 1-1 jafntefli á Hawthorns.

Isaac Price kom heimamönnum yfir úr vítaspyrnu á 22. mínútu, en Samuel Edozie jafnaði metin þegar nokkrar mínútur voru liðnar af síðari hálfleik.

WBA er í fimmta sæti deildarinnar með 25 stig, en Southampton fylgir fast á hæla þess í sjötta sæti með 24 stig.

West Brom 1 - 1 Southampton
1-0 Isaac Price ('22 , víti)
1-1 Samuel Edozie ('53 )

Birmingham 3 - 0 Millwall
1-0 Alex Cochrane ('1 )
2-0 Max Bird ('16 )
3-0 Jay Stansfield ('29 )