Æfingaleikur: Valur gekk á lagið í seinni hálfleik gegn Fylki

Valsmenn höfðu betur gegn Fylki þegar þessi lið áttust við í æfingaleik að Hlíðarenda í kvöld.

Fyrri hálfleikurinn var markalaus, en í síðari hálfleiknum gengu Valsmenn á lagið - þá aðallega Sigurður Egill Lárusson sem skoraði tvö mörk.

Fyrirliðinn Haukur Páll Sigurðsson átti lokaorðið og var lokaniðurstaðan 3-0 sigur Valsmanna.

Bæði þessi lið leika í Pepsi Max-deildinni sem hefst eftir rúma viku. Í spá Fótbolta.net fyrir deildina er Valsmönnum spáð efsta sæti og Fylki spáð áttunda sæti.