Spá Fótbolta.net - 1. sæti: Valur

Spáin:
1. Valur 128 stig
2. KR 119 stig
3. Breiðablik 108 stig
4. FH 95 stig
5. Víkingur R. 93 stig
6. Stjarnan 81 stig
7. KA 55 stig
8. Fylkir 49 stig
9. ÍA 44 stig
10. HK 43 stig
11. Grótta 20 stig
12. Fjölnir 14 stig

Um liðið: Eftir tvo Íslandsmeistaratitla í röð var gengi Vals langt undir væntingum í fyrra. Liðið var við fallsvæðið í byrjun móts og náði aldrei flugi. 6. sætið varð niðurstaðan en stefnan er sett aftur á Íslandsmeistaratitilinn í sumar.



Þjálfari - Heimir Guðjónsson: Heimir Guðjónsson er mættur aftur í íslenska boltann eftir tvö ár hjá HB í Færeyjum. Heimir var afar sigursæll þjálfari hjá FH en liðið varð fimm sinnum Íslandsmeistari á tíu árum undir hans stjórn. Heimi til halds og trausts á Hlíðarenda er Srdjan Tufegdzic sem þjálfaði Grindavík í Pepsi-deildinni í fyrra.

Styrkleikar: Valur er með gífurlega öflugan leikmannahóp og breiddin er líklega sú besta í deildinni. Ef leikmenn detta út í sumar vegna meiðsla koma aðrir sterkir menn inn í staðinn. Gríðarlegt hungur er í leikmannahópnum eftir dapurt gengi á Hlíðarenda í fyrra. Heimir er sigursæll þjálfari sem er staðráðinn í að láta strax til sín taka hjá Val. Hann hefur meðal annars breytt varnarlínu liðsins í vetur og miðjunni.

Veikleikar: Patrick Pedersen er eini pjúra framherjinn í hópnum. Ef hann forfallast eða næst ekki á strik þá gæti Valur lent í veseni. Nokkrir leikmenn Vals döluðu mikið í fyrra. Ná þeir að rífa sig aftur í gang í ár?

Lykilmenn: Patrick Pedersen og Hannes Þór Halldórsson. Danski framherjinn Patrick Pedersen hefur skorað 55 mörk í 83 leikjum í Pepsi Max-deildinni á ferlinum. Mögnuð tölfræði hjá mögnuðum leikmanni. Hannes hefur verið landsliðsmarkvörður Íslands í áraraðir og reynsla hans mun vega þungt fyrir Valsmenn í sumar.

Gaman að fylgjast með: Aron Bjarnason er mættur aftur í Pepsi Max-deildina eftir stopp í Ungverjalandi. Aron var sprækur með Blikum í fyrra og hann gæti orðið drjúgur fyrir Val. Heimir fékk færeyska bakvörðinn Magnús Egilsson með sér frá HB. Nær hann að taka skrefið upp í toppbaráttulið í Pepsi Max-deildinni?

Spurningarnar: Nær Heimir að koma Valsmönnum aftur í gang? Hvað skorar Patrick Pedersen mikið?

Völlurinn: Origo-völlurinn á Hlíðarenda er glæsilegt mannvirki. Stemningin í kringum heimaleiki Vals hefur verið góð undanfarin ár en áhorfendur geta brugðið sér í Fjósið fyrir leiki og hitað upp með mat og drykk.

Fyrirliðinn segir - Haukur Páll Sigurðsson
„Ég hefði búist við að einhverju öðru liði yrði spáð efst miðað við gengi okkar síðastliðið sumar. Flest allir spá því að þetta verði barátta á milli sex liða. Ég get alveg tekið undir það. Það eru mjög öflug lið í deildinni. Undanfarin ár hefur verið tippað á fimm lið og nú hefur Víkingur bæst inn í það. Þeir eru með hörkulið og hafa bætt við sig góðum leikmönnum. Það hefur ekki verið mikið talað um Stjörnuna en þeir verða sterkir. Ég held að þessi deild verði spennandi og sterk. Ég held að ekkert lið eigi eftir að stinga af. Það skiptir ekki máli á móti hvaða liði þú ert að spila, þú verður að vera klár í alla leiki. Það sýndi sig hja okkur síðastliðið sumar. Við ætlum okkur klárlega að reyna að berjast um Íslandsmeistaratitilinn og ef þessi spá rætist þá verð ég hæstánægður."

Komnir:
Aron Bjarnason frá Újpest (lán)
Birkir Heimisson frá Herenveen
Magnús Egilsson frá HB
Rasmus Christiansen frá Fjölni (Var á láni)

Farnir:
Anton Ari Einarsson í Breiðablik
Bjarni Ólafur Eiríksson í ÍBV
Emil Lyng til Middelfart í Danmörku
Garðar Bergmann Gunnlaugsson hættur
Sindri Björnsson í Grindavík

Fyrstu fimm leikir Vals:
13. júní Valur - KR
20. júní Grótta - Valur
28. júní HK - Valur
3. júlí Valur - ÍA
8. júlí Víkingur R. - Valur

Sjá einnig:
Hin hliðin - Valgeir Lunddal
Hin hliðin - Birkir Heimisson

Leikmenn Vals sumarið 2020:
1 Hannes Þór Halldórsson
2 Birkir Már Sævarsson
3 Ívar Örn jónsson
4 Einar Karl Ingvarsson
5 Birkir Heimisson
6 Sebastian Starke Hedlund
7 Haukur Páll Sigurðsson
9 Patrick Pedersen
10 Kristinn Freyr Sigurðsson
11 Sigurður Egill Lárusson
12 Torfi Geir Halldórsson
13 Rasmus Steenberg Christiansen
14 Aron Bjarnason
17 Andri Adolphsson
19 Lasse Petry
20 Orri Sigurður Ómarsson
21 Magnus Egilson
23 Eiður Aron Sigurbjörnsson
24 Valgeir Lunddal Friðriksson
25 Sveinn Sigurður Jóhannesson
26 Sigurður Dagsson
27 Kári Daníel Alexandersson
71 Ólafur Karl Finsen
77 Kaj Leo í Bartalsstovu

Spámennirnir: Arnar Daði Arnarsson, Benedikt Bóas Hinriksson, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Ingólfur Sigurðsson, Magnús Már Einarsson, Sverrir Einarsson, Sæbjörn Þór Þórbergsson Steinke, Tómas Þór Þórðarson

Ekki gleyma Draumaliðsdeild Eyjabita!
Mundu að gera breytingar á þínu liði í Draumaliðsdeild Eyjabita. Hægt er að skrá sig í allt sumar. Markaðurinn lokar klukkutíma fyrir fyrsta leik umferðarinnar.
Smelltu hér til að taka þátt í Draumaliðsleiknum!