Spánn: Ramos enn og aftur á skotskónum í sigri Madrídinga

Real Madrid ætlar ekki að gefa neitt eftir í baráttunni um spænska meistaratitilinn en liðið vann Athletic Bilbao 1-0 í 34. umferð deildarinnar í dag.

Spænski varnarmaðurinn Sergio Ramos skoraði sigurmark Madrídinga úr vítaspyrnu á 73. mínútu.

Hann hefur verið hreint út sagt ótrúlegur með liðinu undanfarið en hann hefur skorað 7 mörk í síðustu ellefu deildarleikjum liðsins.

Real Madrid er í efsta sæti deildarinnar með 77 stig, sjö stigum meira en Barcelona sem á leik við Villarreal í kvöld.