Alexandra og Jóhann Ólafur.
Alexandra Jóhannsdóttir miðjumaður íslenska landsliðsins var mjög forvitin um dróna KSÍ fyrir æfingu liðsins í Hollandi í gær og fékk sjálf að prufukeyra.
Jóhann Ólafur Sigurðsson fjölmiðlafulltrúi KSÍ var að undirbúa sig undir að hefja drónann á loft þegar Alexandra kom til hans og fór að spyrja spurninga.
Jóhann Ólafur leyfði rétti henni þá fjarstýringuna, gaf henni örnámskeið og leyfði henni að taka stjórnvölinn.
Svo virtist sem hún hafi ekki alveg náð skilaboðunum um að fjarstýringin væri með skjá sem sýndi það sem dróninn sér því hún horfði stöðugt til himins til að átta sig á hvað hún væri að gera.
Fleiri myndir af ævintýrum Alexöndru í gær má sjá hér að neðan.
Athugasemdir
