Haraldur Freyr: Það er bara að bíða og sjá hvernig úrslitin fara

„Gríðarlega svekkjandi" sagði Haraldur Freyr Guðmundsson þjálfari Keflavíkur svekktur eftir tapið í dag.

„Þetta var mjög jafn leikur í fyrri hálfleik og jafnræði með liðunum og í seinni hálfleik þá vorum við mikið meira með boltann og sköpuðum okkur margar fínar stöður" 

„Við komumst í margar góðar stöður til þess að krossa boltanum og skorum eitt gott mark en það dugar ekki til" 

„Þetta var algjört klaufamark sem að við fáum á okkur, annað markið þeirra og þetta var bara einn af þessum dögum" 

Keflavík verður að bíða til morguns til að sjá hvort þeir muni enda í efri hlutanum eða ekki þegar restin af 22. umferð fer fram. 

„Það eru bara leikirnir á morgun og sjá hvernig þeir fara. Við höfum ekkert með þá að gera þannig það er bara að bíða og sjá hvernig úrslitin fara"  sagði Haraldur Freyr Guðmundsson. 

Nánar er rætt við Harald Freyr Guðmundsson þjálfara Keflavíkur í spilaranum hér fyrir ofan.