Falla með tæplega 900 landsleiki í liðunum sínum

Þegar horft er til landsleikja fyrir Ísland í báðum leikmannahópum, þá eru þeir tæplega 900 í heildina í öllum aldursflokkum.

Í liði Víkings eru líka tveir leikmenn sem hafa spilað með A-landsliði Íslands. Það eru Þórdís Hrönn Sigfúsdóttir, sem á 2 A-landsleikir, og Telma Ívarsdóttir, sem hefur leikið 12 A-landsleiki. Telma kom til Víkinga á miðju sumri. Þá er ekki svo langt síðan Jasmín Erla Ingadóttir, sem er einnig í Víkingi, var hluti af A-landsliðinu í mikilvægum leikjum en spilaði ekki.

Í liði Vals er þá mikill fjöldi leikmanna sem hafa spilað yngri landsleiki fyrir Ísland og þar á meðal voru fimm leikmenn sem voru í lokahóp U19 landsliðsins á Evrópumótinu fyrr í sumar. Víkingur átti tvo leikmenn í þeim hóp.

Landsleikjahæstu leikmenn Víkings:
1. Bergdís Sveinsdóttir - 51 landsleikur og 12 mörk
2. Telma Ívarsdóttir (kom á miðju sumri) - 38 landsleikir
3. Freyja Stefánsdóttir (fór á miðju sumri) - 35 landsleikir og 5 mörk

Landsleikjahæstu leikmenn Vals:
1. Ísabella Sara Tryggvadóttir - 50 landsleikir og 14 mörk
2. Ragnheiður Þórunn Jónsdóttir (kom á miðju sumri) - 47 landsleikir og 11 mörk
3. Margrét Brynja Kristinsdóttir - 38 landsleikir og 8 mörk

Í leikmannahópi Víkinga eru alls 458 landsleiki fyrir landslið Íslands í öllum aldurshópum og í hópi Vals eru 432 landsleikir. Þess má geta að Valur var með næstyngsta liðið í Bestu deildinni í sumar á eftir FH, en Hlíðarendafélagið sótti marga unga leikmenn fyrir tímabilið í ár.

Þetta eru í heildina 890 landsleikir fyrir Ísland en samanborið við önnur lið í deildinni þá er bara Breiðablik með fleiri landsleiki í sínum hóp eða 614 talsins. Í þeim hópi er Agla María Albertsdóttir sem á í heildina 92 landsleiki, þar á meðal 65 A-landsleiki. Breiðablik er á toppi deildarinnar.